Սերմնաբջիջիների դոնորությունը ամբողջ աշխարհում լայն տարածում ունի

Անպտղությունը դարի սպառնացող ու արդիական մարտահրավերներից է:
Թեև կյանքի գերարարգ ընթացքն իր հետ բազում խնդիրներ ու դժվարություններ է բերում, այդուհանդերձ, բժշկության ոլորտում ի հայտ եկող նորարարությունները կանխում ու նորովի պայքար են մղում այդ մարտահրավերների դեմ:
Վերարտադրողական բժշկության ոլորտի վերջին զարգացումները ինչպես ամբողջ աշխարհում, այնպես էլ Հայաստանում անպտղության խնդրի հաղթահարման նոր արահետներ հարթեցին:

Այս ճանապարհին անգնահատելի դեր ու ավանդ ունի վերարտադրողական բժշկության հայկական ասոցիացիան, որի շնորհիվ հայ մասնագետների որակավորման բարձրացման նոր ուղիներ հարթվեցին, արտերկրի առաջավոր փորձն ու նվաճումներ մեր երկրում տեղայնացնելու յուրօրինակ կամուրջ ձգվեց: 

Եթե նախկինում երեխա ունենալու հավատը կորցրած բազմաթիվ զույգեր մատնվում էին հուսահատության՝ հասնելով անգամ բաժանության սահմանին, ապա այսօր, վերարտադրողական բժշկության նվաճումների շնորհիվ շատերն են հրաժեշտ տվել անպտղության խնդրին, հազարավոր կանայք են ապրել մայրության բերկրանքը:
Բնական ճանապարհով երեխա ունենալու հույսը կորցրած զույգերի համար վերարտադրողական բժշկությունը բազմաթիվ հնարավորություններ է առաջարկում, որոնց թվում է նաև սերմնավորումը:
Ի դեպ, այս մեթոդը լուրջ հեղաշրջում էր. այն բազմաթիվ միայնակ կանանց ևս հնարավորություն տվեց վերափոխելու իրենց կյանքն ու ապրելու մայրանալու բերկրանքը:
Սերմնաբջիջիների դոնորությունը ամբողջ աշխարհում լայն տարածում ունի, այն կիրառվում է տղամարդկանց անպտղության, ժառանգական հիվանդությունների փոխանցումը կանխարգելելու և միայնակ կանանց համար:
Դոնորի սերմը ավելի քան 6 ամիս սառեցվում ու պահպանվում է հեղուկ ազոտի մեջ՝ նվազեցնելով վարակների փոխանցման ռիսկը
"Լավ բժիշկը մարդու անատոմիան իմանալուց բացի պետք է կարողանան աշխատել նաև հիվանդի հոգեկան աշխարհի հետ" ահա այս սկզբունքով է առաջնորդվում Վերարտադրողական բժշկության հայկական ասոցիացիայի նախագահ, Հայաստանում պտղաբերության կնտրոնի հիմնադիր-տնօրեն Էդուարդ Համբարձումյանը:
Մարդու մեծագույն առաքելությունը իր նմանին վերարտադրելն է, մանկան ճիչը սրբագործում է կյանքն ու մղում կատարելության: