Ժամանակակից և դասական, բարձրորակ ու ոճային - Թերմոռոս-Ար՝ ջեռուցման արվեստ

Ջերմության և արվեստի կատարյալ  ներդաշնակություն,

Որակական և գեղագիտական հրաշալի լուծումներ…

Ջեռուցման, հովացման և օդափոխության համակարգերի ժամանակակից նվաճումներն արդեն 8 տարի մեր հանրությանն է ներկայացնում «Թերմոռոս-Ար» ընկերությունը:

Լինելով մի շարք աշխարհահռչակ կազմակերպությունների միակ և պաշտոնական ներկայացուցիչը Հայաստանում՝  «Թերմոռոս-Ար»-ն իրականացնում է բացառիկ նախագծեր որակյալ ապրանքատեսականիով:    

Նախագծային փուլում «Թերմոռոս-Ար»-ի մասնագետներն ապահովում են հաճախորդի պահանջներին համապատասխան խորհրդատվություն՝ հաշվի առնելով պատվիրատուի դիզայներական պահանջները :

Իրականացվում է երաշխիքային և հետերաշխիքային սպասարկում:

Ընկերության մշակած հրատապ արձագանքման գործելաոճի արդյունքում ցանկացած խնդիր կարճ ժամկետներում համապատասխան լուծում է ստանում:

«Թերմոռոս-Ար»-ը հանրությանն է առաջարկում բելգիական «Յագա»  ընկերության դիզայն ջեռուցիչները, որոնք իրենց ձևի ու գույնի բազմազանությամբ և տեխնոլոգիական հնարավորություններով կոտրում են ջեռուցման ավանդական կարծրատիպերը՝  համալրելով այն ոճային հետաքրքիր տարրերով:

Նորարական տեխնոլոգիաները թույլ են տալիս ապահովել մաքուր, արագ և էկոլոգիապես առավել անվնաս  ջեռուցում:

«Թերմոռոս-Ար»-ի ներկայացրած «Յագա» ընկերության դիզայն ջեռուցիչները էսթետիկ արտաքինի շնորհիվ սովորական ջերմատուից վերածվում են արվեստի յուրօրինակ նմուշի՝ ստեղծելով հարմարավետության և ջերմության հաճելի զգացում:

Դիզայն ջեռուցիչները գերազանց համադրվում են ցանկացած ինտերիերում: Իրենց նրբագեղությամբ և հրաշալի հատկություններով նրանք ասես ընդգծում են կահավորման ոճն ու բնավորությունը:

Պատահական չէ, որ ամենախստապահանջ սպառողն անգամ միմիայն հիացմունք է արտահայտում ապրանքի որակական և գեղագիտական հատկությունների հանդեպ:

«Յագա»-ի դիզայն ջեռուցիչները համաշխարհային շուկայում մրցունակ դիրք են զբաղեցնում ոչ միայն արտաքին յուրահատկության, այլև ֆունկցիոնալ հնարավորությունների շնորհիվ: Պատրաստված լինելով բարձրակարգ ջերմատու մետաղից՝ արդյունավետ ջերմափոխանակության շնորհիվ դրանք ապահովում են համաչափ ջեռուցում՝ խնայելով էներգիայի ծախսը:

«Թերմոռոս-Ար»-ը հանրությանն է առաջարկում նաև «Լամբորգինի» ընկերության կաթսաները, որոնք համապատասխանում են միջազգային անվտանգության բոլոր չափորոշիչներին:

Որակական բարձր հատկությունների շնորհիվ «Լամբորգինի»-ն հզորության խորհրդանիշ է ողջ աշխարհում: Հայաստանյան պայմաններին հարմարեցված 24 կՎտ - 3 մգՎտ հզորությամբ այս կաթսաներն ունեն հասարակական պահանջները բավարարող լուրջ հնարավորություններ՝ ապահովելու կամայական նշանակությամբ տարածքների ջեռուցումը:

«Թերմոռոս-Ար»-ն իրականացնում է նաև մեծ շինությունների ջեռուցման համար նախատեսված կաթսայատների կառուցման աշխատանքներ:

Ընկերության վաճառասրահում ներկայացված աշխարհահռչակ ապրանքնանիշերից է գերմանական «Ռապիդո» ընկերության արտադրության 24 - 650 կՎտ հզորություն ունեցող պատի և հատակի կաթսաներն ու մինչև 300 լիտր տարողությամբ հորիզոնական և ուղղահայաց ծավալային ջրատաքացուցիչները: Արտադրության ոլորտում առկա ավելի քան 100-ամյա փորձը նպաստում է կաթսաների արդյունավետ և երկարաժամկետ աշխատանքին:

«Թերմոռոս-Ար»-ը  նաև իտալական «Ռոս» ընկերության հովացման բարձրակարգ սարքերի ներկայացուցիչն է Հայաստանում, որոնք կրկին իրենց դիզայներական յուրօրինակ հատկություններով ձեր ինտերիերում կստեղծեն Ճարտարապետական ու գեղագիտական նոր լուծումներ: Հովացման սարքերը  տեղադրվում են ոչ միայն հատակին, այլև ներդրվում պատին ու առաստաղին:

Հովացումը կարող է իրականացվել կամայական նշանակության շինությունների համար, քանի որ չիլերները, որոնք ներկրվում են կազմակերպության կողմից, կարող են լինել 5.5 կՎտ – 1.7 մգՎտ հզորությամբ:

«Թերմոռոս-Ար»-ն ապահովված է նաև եվրոպական ամենահայտնի մատակարարներից ներկրվող կցամասերով, որոնք թույլ են տալիս շտկել ջեռուցման սարքերի հետ կապված յուրաքանչյուր անսարքություն կարճ ժամկետներում:

«Թերմոռոս-Ար»-ի գործունեությունը մեր հանրապետությունում բազմիցս է ներկայացվում հանրության լայն շրջանակներին տեղական և միջազգային տարաբնույթ  ցուցահանդեսների ժամանակ, իսկ երկրում իրականացվող որակի գնահատման ազգային մրցանակաբաշխություններին ընկերությունը ոլորտում մշտապես նվաճում է լավագույնի տիտղոսը:

Ժամանակակից և դասական, բարձրորակ ու ոճային. ահա «Թերմոռոս-Ար»-ի սկզբունքային մոտեցումը՝ ջեռուցման, հովացման և օդափոխության համակարգերի շուկայում, ինչն էլ մեկ անգամ ևս բնութագրում է ընկերության որդեգրած կարգախոսի էությունը՝

«Թերմոռոս-Ար»՝ ջեռուցման արվեստ:
Հեռ. (010) 51 61 15