Ցանկանու՞մ եք ունենալ ձեր կազմակերպության գործունեությունը ներկայացնող հետաքրքիր տեսաֆիլմ, հաղորդում կամ ցանկացած բնույթի գովազդային հոլովակ՝ վստահեք մեր պրոֆեսիոնալիզմին:
Տեղեկությունների համար զանգահարել (091,098)45 98 88
Առողջապահության ոլորտի աննախադեպ զարգացումն անհնար է առանց արդի բուժսարքավորումների, որոնք հնարավորություն են տալիս ճիշտ ախտորոշել և որակյալ բուժսպասարկում իրականացնել: Այս առումով մեծ պատասխանատվություն են ստանձնել բուժսարքավորումներ ներկրող ընկերությունները, որոնց թվում առանձնանում է նաև Մեդտեխսերվիս ընկերությունը: «Առողջության բանաձև» հաղորդաշարն իր Ամանորի տոնական ծրագրի շրջանակներում անդրադարձել է «Մեդտեխսերվիս» ՍՊԸ-ին, ներկայացրել անցնող 2015թ-ի ընթացքում իրականացված աշխատանքները, քննարկել, ինչ առաջարկով է այսօր ընկերությունը ներկայանում առողջապահության ոլորտում:
Ընկերության խանութ-սրահում ներկայացված է
- բժշկական տեխնիկայի
- վիրաբուժական գործիքների
- կարանյութերի
- էնդոսկոպիկ և լապարոսկոպիկ սարքերի եւ գործիքների
- զանազան բժշկական պարագաների
Ինչպես նաև
- ստոմատոլոգիական տեխնիկայի
- գործիքների
- նյութերի
- ատամնատեխնիկական սարքերի և պարագաների աննախադեպ լայն ընտրանի Բարեկիրթ սպասարկաման ոճը, մասնագիտացված խորհրդատվությունները, արագ առաքման հնարավորությունը և համագործակցության ճկուն պայմաններն արդեն իսկ հանդսանում են Մեդտեխսերվիս խանութ սրահների ֆիրմային չափորոշիչները:
«Դպրություն» կրթական հաղորդաշարը Ամանորի տոնական ծրագրի շրջանակներում անդրադարձել է Ֆիզմաթ դպրոցին, ամփոփել անցնող տարվա ընթացքում կրթօջախի ունեցած ձեռքբերումներն ու հաջողությունները: Այսօր, երբ 21-րդ դարը կյանքի առջև նոր պահանջներ ու հրամայականներ է ծառացնում, ժամանակի զարկերակը զգալու համար հայ դպրոցը ևս ընդառաջ է գնում բազում բարեփոխումների: Այդ ճանապարհը վստահորեն անցնում է նաև Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցը:
Կրթադաստիարակչական լավագույն ավանդույթներով ու վաստակած բարձր հեղինակությամբ Ֆիզմաթ դպրոցը շարունակում է իր առաքելությունը` ֆիզիկամաթեմատիկական առարկաներից արտակարգ ընդունակություններ դրսևորող երեխաների համար դառնալով բնական գիտությունների բնագավառում կայանալու հուսալի ճանապարհ:
Երևանի քաղաքապետարանի ենթակայության թիվ 8 պոլիկլինիկայի թերապևտիկ բաժանմունքն այսուհետ քաղաքացիներին կսպասարկի նորոգված ու ավելի բարեկարգ հարկաբաժնում: Բաժանմունքի վերաբացման առիթով պոլիկլինիկա էր այցելել Երևանի քաղաքապետի տեղակալ Դավիթ Օհանյանը: Շնորհավորելով պոլիկլինիկայի աշխատակազմին բաժանմունքի նորոգման առիթով՝ Երևանի քաղաքապետի տեղակալը նշել է, որ թիվ 8 պոլիկլինիկայի բուժանձնակազմը մայրաքաղաքում լավագույններից է ինչպես մասնագետների, այնպես էլ մատուցած ծառայությունների առումով, և շնորհակալություն է հայտնել ներկաներին` բնակչությանը բարեխղճորեն և բարձրորակ սպասարկելու համար:
Թիվ 8 պոլիկլինիկայի տնօրեն Արմինե Հարությունյանը շնորհակալություն է հայտնել ոլորտի նկատմամբ քաղաքային իշխանությունների դսևորած ուշադրության և հոգատարության համար` վստահեցնելով, որ պոլիկլինիկայի անձնակազմն այսուհետ ևս կարդարացնի քաղաքացիների սպասելիքները`հավատարիմ մնալով բժշկի կոչմանն ու երդմանը:
Տնտեսագիտության ակադեմիական դպրոցի ձևավորման գործում լուրջ ավանդ և ներդրում ունեցող ՀՀ ԳԱԱ տնտեսագիտության ինստիտուտը անցնող 2015թ-ն ամփոփեց գիտակրթական մի շարք հաջողություններով: Ուշագրավ էր հատկապես հայոց ցեղասպանության 100-րդ տարելիցին նվիրված «Հայ ժողովրդի ժողովրդագրական և նյութական կորուստները ցեղասպանության ընթացքում և դրանց հատուցման հիմնախնդիրները» խորագրով գիտական հոդվածների ժողովածուի ստեղծումը: Ժողովածուի շնորհանդեսի ընթացքում ներկայացվեցին և քննարկվեցին գրքում զետեղված հոդվածները, որոնք պատկերացում են տալիս հայոց ցեղասպանության պատճառած ժողովրդագրական, նյութական ու ֆինանսական կորուստների և դրանց հնարավոր հատուցման ուղիների վերաբերյալ:
1955թ-ին կազմավորված ՀՀ ԳԱԱ տնտեսագիտության ինստիտուտը մեծ ավանդ ունի տնտեսագիտական մտքի կայացման և ոլորտը գիտակ մասնագետներով համալրելու գործում: Ինստիտուտի տնօրեն, տնտեսագիտության դոկտոր, պրոֆեսոր Վլադիմիր Հարությունյանի գլխավորությամբ գիտական հաստատությունն այսօր էլ երկրի սոցիալ-տնտեսական զարգացման, հակաճգնաժամային միջոցառումների ակտիվացման առումով կարևոր աշխատանքներ է իրականացնում: Քոթանյանի անվան տնտեսագիտության ինստիտուտն անցնող 2015թ-ն ամփոփեց գիտական կարևոր արդյունքներով՝ իր նպաստը բերելով տնտեսագիտության ոլորտում գիտակրթական կյանքի ակտիվացմանը: Շնորհավորելով Ամանորի և Սուրբ ծննդյան տոների առթիվ՝ մեր հաղորդաշարի ստեղծագործական անձնակազմը գիտության և կրթության ոլորտի բոլոր ներկայացուցիչներին մաղթում է մտքի լուսավոր բարձունքներ՝ ի նպաստ մեր երկրի զարգացման և առաջընթացի: Նկարները՝ այստեղ Տեսանյութը՝ այստեղ
Մարդու արտաքին և ներքին աշխարհը մի անբացատրելի առեղծվածային ստեղծագործություն է, որը յուրօրինակ դրսևորում է գտնում հատկապես նորաձևության ասպարեզում: Մատնահարդարման ոլորտը ևս ընդառաջ է գնում այդ զարգացումներին: Այս մասին զրուցեցինք նեյլ արտի բնագավառում բազմաթիվ տեղական ու միջազգային մրցույթներում ճանաչված մատնահարդար-ոճաբան Լուսինե Կարապետյանի հետ, ում համար անցնող 2015թ-ը ստեղծագործ աշխատանքի և նկատելի հաջողությունների տարի էր:
Նեյլ արտի ոլորտում համալրելով մի շարք անվանի մրցույթների ժյուրիի կազմը, ինչպես նաև անձամբ ներկայացնելով մեր երկիրը մի շարք մրցաշարերում` մասնագետն անդրադարձել է նաև նորաձևության 2016թ-ի տենդենցներին: Մասնագիտական կողմնորոշումն ու գրագետ ճանապարհով զարգացումը կայուն առաջընթացի հուսալի հիմքն է` հետևելով իր օրինակին` Լուսինե Կարապետյանն իր մասնագիտական դասախոսություններում կարևորում է գրագետ ուսուցումը, որպես առաջընթացի կարևոր նախապայման:
Շատերիս կողմից սիրված և հարազատ դարձած ՄԵՏՐՈ կարաոկե ակումբը դեկտեմբերի 1-ին դարձավ մեկ տարեկան: Անմոռանալի և հաճելի ժամանցի այս յուրօրինակ վայրն աչքի է ընկնում ձայնային ու լուսային նորագույն լուծումներով, անկրկնելի շոու-ծրագրերով, բարձրորակ, համեղ սննդի և խմիչքների լայն ընտրանիով: Հոբելյանական տարեդարձի առթիվ METRO KARAOKE CLUB-ում կազմակերպվել էր տոնական գեղեցիկ հանդիսություն՝ հագեցած ուշագրավ անակնկալներով և ակումբին բնորոշ հիանալի մթնոլորտով:
Նկարները` այստեղ ՀԱՍՑԵ` ԲԱՂՐԱՄՅԱՆ 76 ՀԵՌ.՝ 010-27-62-76
Երկիր ներկայացնելը պատվախնդիր գործ է, իսկ առավել ևս պատվով ներկայացնելը բարձր գնահատականի արժանի ազգանվեր հաջողություն. չէ որ յուրաքանչյուր հաղթանակ այս դեպքում, առաջին հերթին երկրինն է: Ա յս տրամադրությունն էր տոնական դարձրել Զվարթնոց միջազգային օդանավակայանի սպասասրահը, որտեղ ազգային երգ ու պարով դիմավորում էին մեր երկիրը միջազգային մարզական հարթակում պատվով ներկայացրած մարզիկներին: ԱՄՆ Լոս Անջելես քաղաքում հոկտեմբերի 4-ին կայացած Սոկե Կուբոտայի 51-րդ (All star) միջազգային բաց առաջնության ընթացքում փայլուն ելույթ ունեցած և մարզական հաջող արդյունք ցուցաբերած Ա. Շիրակացի կրթահամալիրի Կարատեի ակումբի մարզիկները Հայաստան էին վերադարձել ոսկե և արծաթե մեդալներով՝ մեկ անգամ ևս միջազգային մրցահարթակում բարձր պահելով հայոց եռագույնը: Մարզիկներին իր պարային ուշագրավ ողջույնն էր բերել նաև Ծիրանի պարային համույթը՝ տոնական օրվան հաղորդելով առավել բարձր տրամադրություն:
Հայ մարզիկներին ողջունելու, նրանց նորանոր հաջողություններ մաղթելու նպատակով հոկտեմբերի 13-ին Ա. Շիրակացի կրթահամալիրի Կարատեի ակումբի մարզիկներին իր աշխատասենյակում հյուրընկալեց նաև Նոր Նորք վարչական շրջանի ղեկավար Արմեն Ուլիխանյանը: Շնորհակալություն հայտնելով ԱՄՆ Լոս Անջելես քաղաքում հոկտեմբերի 4-ին կայացած Սոկե Կուբոտայի 51-րդ (All star) միջազգային բաց առաջնության ընթացքում փայլուն ելույթ ունենալու և Նոր Նորքի պատիվը բարձր պահելու համար՝ վարչական շրջանի ղեկավարը մարզիկներին և մարզիչ Արման Ղարախանյանին պարգևատրեց շնորհակալագրերով, պատվոգրով և հուշանվերներով: Մեր ստեղծագործական կազմը ևս միանում է բազմաթիվ շնորհավորանքներին՝ հայ մարզիկներին մաղթելով նորանոր հաջողություններ և հաղթանակներ:
Ս.թ. հոկտեմբերի 18-ին`ժամը 16:30-ին, Արամ Խաչատրյան համերգասրահում կայացավ «Համազգային վստահություն» խորհրդի կողմից կազմակերպված «Տարվա լավագույն հանրային ծառայող և տարվա լավագույն ապրանքանիշ 2015» ամենամյա ազգային մրցանակաբաշխությունը: Նկարները՝ այստեղ
«ԱրմՊրոդԷքսպո 2015» ցուցահանդեսում «Մարիաննա» կաթնամթերք արտադրող ընկերությունը ներկայանում էր նոր տեսականիով: Ուշագրավ տաղավարում ներկայացված հանրության կողմից սիրելի կաթնամթերքի ընտրանին արժանացել է մեր ազգաբնակչության վստահությանը համային և որակական բարձր հատկությունների շնորհիվ: «Մարիաննա» կաթնամթերքի նոր տեսականին դրական ընդունելության արժանացավ նաև ՀՀ վարչապետ Հովիկ Աբրահամյանի կողմից: «Դուստր Մարիաննա» ՍՊԸ-ի համար ամենակարևոր գնահատականն ու հաջողության գրավականը սպառողների հավատն ու վստահությունն է, և պատահական չէ, որ ընկերությունը արժանացել է մի շարք սերտիֆիկատների և արտադրանքի որակի պատվոգրերի: Նկարները՝ այստեղ
Արարատի մարզի Զովաշենի անուրջներ ռեստորանային համալիրը առաջարկում է հանգստի և կատարյալ ժամանցի հրաշալի հնարավորություններ բոլոր այցելուների համար: Հրաշագեղ բնության գրկում կարող եք համտեսել բնական հայկական ավանդական ուտեստներ՝ վայելել խորոված, Ազատ գետի ձուկ և համադամ այլ խորտիկներ: Համալիրն ունի նաև հյուրանոցային համարներ, ֆիննական շոգեբաղնիք և հաճելի ժամանցի այլ հնարավորություններ: Ուշադրություն, բացվել է նաև հայկական ավանդական խաշի շրջանը, շտապե՛ք: Զովաշենի անուրջներ՝ դրախտային հանգիստ հայոց հրաշագեղ բնության գրկում: Հեռ.՝ (091, 098) 47-46-89 Նկարները՝ այստեղ
Մեր պատմության քառուղիներում ազգային կրթահամակարգը անընդհատ ենթարկվել է փոփոխությունների. նորագույն տեխնոլոգիաների, ժամանակի անվրեպ պահանջներին համընթաց կրթական համակարգը տեղափոխել է այլ հարթություն: Հնի և նորի բախման արդյունքում ոլորտը կորցրել և միևնույն ժամանակ ձեռք է բերել հաջողություններ: 1960 թվականին հիմնված Վաղարշապատի Խ. Աբովյանի անվանի թիվ չորս հիմնական դպրոցն այս կրթական լուրջ մարտահրավերների դարաշրջանում չի մոռանում հայկական հնագույն դպրոցի պատմությունը և միևնույն ժամանակ նորը կիրառում է որպես ձեռքբերում:
Շուրջ տասը տարի դպրոցի տնօրենի պաշտոնը պատվախնդրորեն կրող Արուսյակ Մուրադյանը վստահեցնում է` այս տարիների ընթացքում արվել է հնարավոր ամեն ինչ, որպեսզի աշակերտները սովորեն այնպիսի դպրոցում, որ հետագայում ուսուցիչների տված գիտելիքները միմիայն լուսավոր ուղի բացեն իրենց առջև: Այսօր հաստատություն է հաճախում հազար երեք հարյուր և ավելի աշակերտ. Կրթօջախը վերազինված է ժամանակակից դպրոցին անհրաժեշտ բոլոր հնարավորություններով. ժամանակակից տեխնիկայով հագեցած լաբորատորիաներ, առարկայական դասասենյակներ, համակարգչային դասասենյակ, էլեկտրոնային գրատախտակներ, շախմատի դասասենյակ, ասմունքի, ազգային երգ ու պարի խմբակներ: Հաջողությունների, ցանկությունների իրականացման և ցանկացած հարցում դպրոցի կողքին են մարզպետը, քաղաքապետը, մարզի կրթության վարչության պետը և իհարկե երեխաների ծնողները: Արմավիրի մարզում և հատկապես Էջմիածնում բարի համբավ ձեռք բերած դպրոցի ջանադիր և ստեղծագործ աշխատանքն ըստ արժանվույն է գնահատվել պետական և հասարակական տարբեր կազմակերպությունների կողմից: Դրանք պատվոգրեր են, դիպլոմներ, շնորհակալագրեր: Դպրոցի տնօրենը 2013 թ-ին ՀՀ Ազգային ժողովի նախագահ Հովիկ Աբրահամյանի կողմից պարգևատրվել է պատվո մեդալով: Խ. Աբովյանի անունը կրող այս հրաշալի դպրոցը կերտել է իր պատմությունը: Դպրոցը կրթել ու դաստիարակել է սերունդներ, ովքեր այսօր երևելի անհատներ են, զբաղեցնում են տարբեր պաշտոններ և վայելում ժողովրդի սերն ու հարգանքը: Դպրոցի մանկավարժական կազմը և տնօրինությունը ուղղորդվում են երեխաներին բարձորորակ կրթությամբ ապահովելու բարի ավանդույթով: Ժամանակը կտա իր պտուղները, Վաղարշապատի թիվ չորս հիմնական դպրոցից դուրս եկեղ սերունդները իրենց գիտելիքների խորը պաշարով, ինչպես հիմա, այնպես էլ ապագայում կշարունակեն զարմացնել, և ինչու` ոչ, նաև օրինակ ծառայել այլ դպրոցների աշակերտական և ուսուցչական կազմին: Քանզի խելացիները եղել են և կշարունակեն մնալ որպես կրթության լուսավոր ջահը անմար պահող լավագույն օրինականեր մեր ապագա սերունդների համար: Վաղարշապատի Խ. Աբովյանի անվանի թիվ չորս հիմնական դպրոց
2015թ. սեպտեմբերի 18-ին և 19-ին Երևանի «Հիլթոն» հյուրանոցում տեղի ունեցավ հերթական մասնագիտական դասախոսություն-հանդիպումը, որն այս անգամ նվիրված էր ատամների էսթետիկ վերականգնման ժամանակակից մեթոդներին: Հանդիպմանը մասնակցում էին ստոմատոլոգներ Հայաստանի տարբեր ստոմատոլոգիական կլինիկաներից, բազմաթիվ հյուրեր, այդ թվում՝ ՌԴ-ից ժամանած ստոմատոլոգ-բժշկներ Վալենտինա Սերգեյեվնան և Ալեքսեյ Մախովը, ովքեր էլ վարեցին սեմինար պարապմունքների առաջին մասը: Հանդիպման նպատակն էր միմյանց փոխանցել բուժման ժամանակակից մեթոդները և կիրառել այն պրակտիկայում: Դասախոսություններով հանդես եկավ Վորոնեժ քաղաքի «Կոլիբրի» ստոմատոլոգիական կլինիկայի բժիշկ Վալնտինա Սերգեյեվնան, ով ներկայացրեց ատամների էսթետիկ բուժման իր մեթոդները: Նա նշեց, որ նման հանդիպումները շատ կարևոր են, քանի որ միայն փորձի փոխանակման միջոցով կարելի է հասնել ցանկալի արդյունքի: Սեմինարի հաջորդ հատվածը վարեց Ռուսաստանի ստոմատոլոգների ասոցիացիայի անդամ Ալեքսեյ Մախովը: Նա ևս կարևորեց նման սեմինարների պարբերաբար անցկացումը՝ ընդգծելով, որ դրանք նպաստում են ստոմատոլոգների մասնագիտական զարգացմանը և կատարելագործմանը: Գնահատելով հայ ստոմատոլոգների մասնագիտական ունակությունները՝ Ալեքսեյ Մախովը նշեց, որ հաճելիորեն զարմացած է և ավելացրեց, որ մեր մասնագետներն արժանի են միջազգային ճանաչման: Օրվա վերջում մասնագիտական դասախոսության բոլոր մասնակիցներին տրվեցին վկայագրեր:
Սեպտեմբերի 19-ին արդեն «Ստոմ Լայն» ստոմատոլոգիական կլինիկայում տեղի ունեցավ հանդիպման երկրորդ մասը, որն ավելի գործնական բնույթ էր կրում, Ռուսաստանից ժամանած հյուրերն անցկացրեցին վարպետության դասեր՝ հենց տեղում կիրառելով բուժման արդի մեթոդները: Երկօրյա հանդիպումն անցավ շատ բովանդակալից, իսկ վերջում հանդիպման կազմակերպիչ «Ստոմ Լայն» ստոմատոլոգիական կլինիկայի ներկայացուցիչները և հյուրերը շնորհակալություն հայտնեցին միմյանց` հույս հայտնելով, որ նման հանդիպումները շարունակական բնույթ կկրեն և կլինեն արդյունավետ, քանզի միայն համատեղ աշխատանքի և հարուստ փորձի փոխանակման արդյունքում է հնարավոր հասնել լավ արդյունքի՝ իրագործելով ստոմատոլոգների միակ ցանկությունը՝ պարգևել մարդկանց լիարժեք, գեղեցիկ և առողջ ժպիտ:
Նկարները՝ այստեղ
Արվեստի հասնող գեղեցկություն, այս բանաձևին հասնելու ձգտումները դարերի պատմություն ունեն և արդիական են մինչ օրս: Թեև չափանիշները փոխվում են, սակայն գեղեցիկի ընկալումը մարդկության կողմից մշտապես եղել և մնում է կատարյալին հասնելու բնական ձգտում և պահանջ: Գեղեցկության ինդուստրիայի համար որակյալ մասնագետներ պատրաստելու իր հաստատուն ձեռագրով մեր երկրում նոր խոսք և որակ բերեց «Ռայ Սթայլ» դպրոց-ստուդիան, որն աշխարհի ռիթմին համաքայլ ընթանալու հրաշալի հնարավորություն է:
Առաջնորդվելով համաշխարհային փորձով՝ «Ռայ Սթայլ» դպրոց ստուդիան հավասար հարթության վրա է պահում տեսությունն ու պրակտիկան: Դպրոցին կից գործում է նաև գեղեցկության սրահ, որտեղ ուսանողները ոլորտի առաջատար մասնագետների կողքին սովորում և աշխատում են՝ դասընթացն ավարտելով գործող մասնագետի որակավորմամբ: Դպրոց-ստուդիան մասնաճյուղեր ունի նաև Հրազդանում Էջմիածնում, շուտով նաև՝ Արմավիր քաղաքում: «Ռայ Սթայլ» -ը ճանապարհ է դառնում գեղեցկության ինդուստրիայի համաշխարհային հարթակ՝ առաջնորդվելով «միմիայն որակ» կարգախոսով: Ռաիսա Մելքոնյանի գեղեցիկ արվեստի դպրոց-ստուդիայում իրականացվում են հետևյալ դասընթացները՝ . Մատնահարդարում . Վարսահարդարում . Էսթետիկ կոսմետոլոգիա . Վիզաժ . Թարթիչների սերտաճեցում (ճապոնական տեխնիկայով) . Մերսում . Ֆուրշետ . Հագուստի մոդելավորում և դիզայն . Դասավանդող մասնագետների պատրաստում: Դասընթացներն ավարտողները ստանում են գերմանական «Մադելոն» ընկերության հավաստագիր միջազգային չափանիշներին համապատասխանող Մոսկվայի դիպլոմ, որը ճանաչված և հարգված փաստաթուղթ է գեղեցկության ինդուստրիայում: «Ռայ Սթայլ» ԴՊՐՈՑ ՍՏՈՒԴԻԱ - Ձեր գեղեցկությունը մեր մասնագիտությունն է: Հասցե՝ Նալբանդյան 9/1 Հեռ.՝ (010) 54-29-89 և (098) 09-08-98 http://raistyle.com/ Նկարները՝ այստեղ http://raistyle.com/
21-րդ դարին համապատասխան որակյալ կրթություն «Վարդանանք» կրթահամալիր, այստեղ յուրաքանչյուր սովորող որոշակի ոլորտում կարողանում է ինքնահաստատվել և գտնել կյանքի իր ուղեգիծը: Կրթահամալիրը ստեղծման առաջին իսկ պահից որդեգրել է անձի համակողմանի կրթությանն ու զարգացմանը միտված ուրույն գործելաոճ՝ հայաստանյան կրթահամակարգում ձևավորելով հստակ դիմագիծ: 3 տարեկանից սկսած ձեր երեխաների առջև իր հյուրընկալ դռներն է բացում «Վարդանանք» կրթահամալիրի նախակրթարանը: Գեղեցիկ և հարմարավետ պայմաններում փոքրիկները գունազարդ և տպավորիչ օրվան զուգահեռ ստանում են կյանքում անհրաժեշտ կարողություններն ու գիտելիքները՝ պատրաստվելով դպրոցին:
Կրթահամալիրն իրականացնում է եռաստիճան ուսուցում:
Տարրական հիմնական և ավագ դպրոցում կրթադաստիարակչական ծրագրերը նպապատակաուղղված են աշակերտների համակողմանի և ներդաշնակ զարգացմանը: Այլընտրանքային ծրագրերի շնորհիվ կրթօջախում աշակերտները առաջին իսկ դասարանից ուսումնասիրում են ռուսերեն և անգլերեն լեզուներ:
«Վարդանանք»-ի տարրական դպրոցում ուշագրավ մեթոդների շնորհիվ կազմակերպվում է երեխաների արդյունավետ և հետաքրքիր ժամանցը, հանգիստը, զարգանում են սովորողի մտավոր, հոգևոր և ֆիզիկական կարողությունները, լեզվամտածողության, գրագիտության, տրամաբանության հիմքերը և աշխատանքային նախնական հմտությունները:
Նոր մոտեցումներով առանձնանում է նաև «Վարդանանք» կրթահամալիրի հիմնական դպրոցը, այստեղ գործում են ինչպես հայերենով, այնպես էլ ռուսերենով ուսուցմամբ դասարաններ: Կրթօջախում աշակերտները 5-րդ դասարանից ուսումնասիրում են իսպաներեն, իսկ 8-րդ դասարանում՝ ըստ ցանկության՝ չինարեն:
Վերանորոգված, լուսավոր, ընդարձակ և հարմարավետ դասասենյակներում, ժամանակակից տեխնիկական միջոցներով կահավորված լաբորատորիաներում, առարկայական մասնագիտական սենյակներում աշակերտները ստանում են տեսական և գործնական հարուստ գիտելիքներ, զարգացնում ստեղծագործական կարողություններն ու մտահորիզոնը, դիդակտիկ նյութերի, սարքավորումների և պարագաների օգնությամբ հետաքրքիր փորձերի և դասընթացների արդյունքում առավել խորությամբ յուրացնում մատուցվող դասը:
Մշտապես նորարարությամբ աչքի ընկնող «Վարդանանք» կրթահամալիրի ավագ դպրոցը ևս առանձնանում է կրթության կազմակերպման յուրօրինակ ձեռագրով: Կրթահամալիրը Բուհ ընդունվողների համար իրականացնում է նախապատրաստական դասընթացներ՝ ապահովելով բարձրակարգ գիտելիքներ:
«Վարդանանք» կրթահամալիրում օրվա 2-րդ կեսը աշակերտների համար վերածվում է հաճելի և օգտակար ժամանցի: Կրթահամալիրում գործող հայրենագիտական, թատերական և գեղագիտական կենտրոններում կերտվում է անձի հայեցի, ազգային բնավորությունը, գեղեցիկը գնահատելու, արժևորելու, ինչպես նաև ստեղծագործաբար մտածելու կարողությունը: Սովորողի համակողմանի զարգացման մյուս կարևոր նախապայմանը ռազմահայրենասիրական և ֆիզիկական դաստիարակությունն է, ի դեպ կրթահամալիրն իրականացնում է մասնագիտացված պարի դասեր, ինչպես նաև անհատական և խմբային սիրողական դասընթացներ պարային տարբեր ոճերում առանց տարիքային սահմանափակման:
«Վարդանանք» կրթահամալիրը կազմակերպում է երեքանգամյա սնունդ, իրականացնում սովորողների դասապատրաստում, ինչպես նաև ապահովում է փոխադրամիջոցով: Ժամանակի պահանջներին համաքայլ կրթության արահետներով «Վարդանանք» -ն ուղեկցում է իր աշակերտներին կյանքի լուսավոր բարձունքներ՝ արժանապատվորեն իրագործելով հայոց երկրին արժանի զավակներ կրթելու առաքելությունը:
Գևորգ Չաուշ վարժարանն իրականացնում է երկարօրյա ուսուցում, ապահովում է աշակերտների երկկողմանի տեղափոխումը, առողջ սնունդն ու դասապատրաստումը, ինչպես նաև տարբեր խմբակներում իրականացնում աշակերտների ֆիզիկական, գեղագիտական դաստիարակությունը, զարգացնում ստեղծագործական միտքն ու կազմակերպում հետաքրքիր ժամանցը:
Գևորգ Չաուշ վարժարանն իր գործունեության սկզբունքներում ամրագրել է աշակերտակենտրոն ուսուցման, արդի պահանջներին ընդառաջ գիտելիքների հաղորդման ուրույն գործելաոճ, որի արդյունքում աշակերտները տիրապետում են մի շարք օտար լեզուների, դիդակտիկ մեթոդների կիրառմամբ խորությամբ ուսումնասիրում անհրաժեշտ բոլոր դպրոցական առարկաները: Ուշագրավ է մոտեցում է կիրառված նաև Գևորգ Չաուշ վարժարանի ավագ դպրոցում, որի գործունեության հիմքում ևս ներդրվել է միջազգային փորձը` հաշվի առնելով ժամանակի պահանջներն ու տեղական առանձնահատկությունները:
Ամառային արձակուրդները հաճելի և արդյունավետ անցկացնելու նպատակով Գևորգ Չաուշ վարժարանը հունիսի 15-ից 3 հերթափոխով կազմակերպում է ամառային ճամբար 6-14 տարեկան երեխաների համար: Հետաքրքիր առօրյայով հագեցած ճամբարում, որը կգործի առավոտյան ժամը 10-ից 16:00-ն, երեխաների համար կկազմակերպվի հաճելի ժամանց, կապահովվի առողջ սնունդ, կգործեն գեղագիտական և սպորտային խմբակներ, կիրականացվեն օտար լեզուների դասընթացներ, ճանաչողական էքսկուրսիաներ, իսկ եթե ձեր երեխան թերացել է որևէ դպրոցական առարկայից Գևորգ Չաուշ վարժարանի հմուտ մանկավարժները կկազմակերպեն անհատական պարապմունքներ` համադրելով հաճելի և օգտակար ժամացը: Գևորգ Չաուշ վարժարանն իրականացնում է նաև նախադպրոցական դասընթացներ, դպրոց հաճախելուն պատրաստվող երեխաների համար: Ուսուցման հրաշալի պայմանների ու հնարավորությունների, փորձառու մանկավարժական անձնակազմի և ամենակարևորը, որակյալ կրթության կազմակերպման շնորհիվ Գևորգ Չաուշ վարժարանն այսօր հաստատուն տեղ է զբաղեցնում մեր կրթական համակարգում` ձևավորելով համակողմանի կրթված ու զարգացած քաղաքացիներ, ովքեր կերաշխավորեն մեր հայրենիքի վաղվա օրն ու մեր ժողովրդի հուսալի ապագան:
Հասցե՝ Երևան, Խորհրդարանի փող., 32/1 շենք (քաղաքապետարանի դիմաց) (Կենտրոն վարչ. շրջան Երևանում)
Հունիսի 9-ին Տերնոպոլի Ազգային Տնտեսագիտական համալսարանի Երևանյան մասնաճյուղում տեղի ուենցավ հանդիսություն՝ նվիրված Արցախյան հերոսամարտի 13 և Հայրենական Մեծ պատերազմի 70-ամյակին: Միջոցառմանը մասնակցում էին դասախոսներ, ուսանողներ, Երկրապահ Կամավորականների Միության Ավանի մասնաճյուղի ազատամարտիկներ, Հայրենական Մեծ պատերազմի վետերաններ և հյուրեր: Հանդիպումն անցավ ջերմ մթնոլորտում, երկուստեք շնորհվեցին պատվոգրեր, իսկ վերջում կրկին շնորհակալություն հայտնեցին բոլոր նրանց, ովքեր մասնակցել են պատերազմական գործողություններին: Նկարները` այստեղ
Բնությանհետընկերությունըկյանքում ներդաշնակության հասնելու միակ ճշմարիտ
ճանապարհնէ:
ԱյսօրՀայաստանումևամբողջաշխարումէկոլոգիականխնդիրներըօրակարգային կարևորագույն հարցերից
են, որոնց լուծման և կարգավորման նպատակով ստեղծվել են տարբերբնապահպանականկազմակերպություններ:
ՆրանցթվինէդասվումնաևՔիմմաստերընկերությունը։
Տարբերմիջոցառումների, ակցիաներիմիջոցով փորձելով սթափեցնելմարդուն՝ այս կազմակերպությունը ձգտում է կանխել էկոլոգիական
ճգնաժամը՝ խթանել ուշադրությունը բնության հանդեպ, այս կերպ նպաստելով նաև տնտեսականկայունաճին՝ համարելովիրզարգացմաննախադրյալը։
Մայիսի 15-17-ը ԵրևանԷքսպոցուցահանդեսայինհամալիրումկայացած <<Պրոմէքսպո>> ընկերությանկողմիցկազմակերպված <<Շինարարությունևինտերիեր-2015>> մասնագիտացվածմիջազգայինցուցահանդեսին ուշագրավառաջարկներովէրհանդեսգալիսնաևՔիմմաստերընկերությունը, որիգործունեությունըհիմնականումուղղվածէխոշորքաղաքներիկեղտաջրերիմաքրմանկայանների մատակարարմանը:
Բնությունն ամենամեծ հարստությունն է, և գիտության
գերխնդիրն է հնարավորինս պահպանել նրա կենսական ուժերը՝ նպաստավոր պայմաններ
ստեղծելով մարդկության առողջ ապրելակերպի համար:
