Տնօրինության, մանկավարժական համակազմի և աշակերտական խորհրդի համատեղ որոշմամբ կազմակերպվել էր աշակերտների և մանկավարժների ուժերով պատրաստված ձեռքի աշխատանքների ցուցահանդես-վաճառք(աշակերտական խորհրդի փակ քվեարկության արդյունքում ստացված ողջ հասույթը որոշվեց տրամադրել «Նվիրիր կյանք» հիմնադրամին), համերգային ծրագիր և հայկական ավանդական հյուրասիրություն:
Միջոցառումն իրենց ներկայությամբ պատվել էին կրթահամալիրի հիմնադիր Գայանե Սողոմոնյանը, ՀՀ ԿԳ նախարարության աշխատակազմի հանրակրթության վարչության պետ Նարինե Հովհաննիսյանը, նախարարությունների, քաղաքապետարանի, էրեբունի վարչական շրջանի ղեկավարի աշխատակազմի աշխատակիցներ, ծնողներ և այլ հյուրեր:
Կրթահամալիրի ողջ տարածքը վերածվել էր գունագեղ հրապարակի, որտեղ մեկը մյուսից ինքնատիպ տաղավարներով ներկայացող դասարանները շնորհավորում էին Երևանի տոնը: Թեմատիկ յուրօրինակ լուծումներով յուրաքանչյուր անկյուն գրավում ու հիացնում էր հյուրերին՝ հավատ և վստահություն ներշնչելով վաղվա օրվա նկատմամբ:
Նկարները՝ այստեղ
