Գիտության զարմանահրաշ շտեմարանում առանձնահատուկ նշանավորվում է գրքի դերը, որպես առաջնորդող փարոս, մարդկային լավագույն ունակությունների զարգացման և կատարելագործման ինքնատիպ ուղեցույց:
“Արևիկը” շահել և ամենաբարձր մակարդակով հրատարակել է հանրակրթական դպրոցի դասագրքերի և ուսուցչի ձեռնարկների մի ամբողջ շարք` միաժամանակ առաջարկելով նաև գրքերի, ուսումնական ձեռնարկների ու ամսագրերի համակարգչային մուտքագրում և էջադրում, թարգմանություն, խմբագրում, գեղարվեստական ձևավորում և այլ ծառայություններ:
Ստեղծման օրվանից ի վեր` “Արևիկը” եղել և մնում է մանկապատանեկան գրականության հրատարակման առաջատարը, ապացույցը` միջազգային տարբեր ցուցահանդեսներում զբաղեցրած պատվավոր հորիզոնականներն են:
Զարմանահրաշ տեսականին հիանալի տոնական նվեր է բոլոր փոքրիկների համար: Ներդաշնակ պատկերավորությամբ և դաստիարակչական նշանակությամբ աչքի ընկնող խաղ գրքույկները Հայաստանի և սփյուռքի երեխաների կողմից ջերմ ընդունելության են աժանացել, քանի որ նրանք գունազարդելով նկարները` ասես սեփական մասնակցությունն են բերում գրքի ստեղծմանը`հետագայում առավել գնահատելով և արժևորելով նրա դերը:
Ուշադրության են արժանի նաև Արևիկ հրատարակչության կողմից տպագրված գիրք համայնապատկերները, որոնք հետաքրքրաշարժ պատմություններից զատ աչքի են ընկնում պատկերավոր կառուցվածքով և գունային ներդաշնակությամբ: Հրատարակչության գրքերի նկարազարդումը իրականացվում է հմուտ նկարիչ ձևավորողների անմիջական մասնակցությամբ: Իրենց երևակայության վառ խտացումը վարպետորեն հանձնելով թղթին` մասնագետները ստեղծում են հեքիաթային պատկերների և կերպարների յուրօրինակ համադրություն:
“Արևիկ” հրատարակչությունը վերջերս համալրել և հարստացրել է իր տեսականին նորանոր գրքերով և ուսումնական ձեռնարկներով: ՈՒշագրավ են հատկապես “Քնած գեղեցկուհին”, “Մաշան և արջը” ինքնատիպ հրատարակումները` ձևավորված գեղեցիկ տիկնիկներով և պատկերավոր նկարներով: Հաջորդ հետաքրքրարժ ձեռնարկը “Անտառի տնակը” և “Իմ ժամացույցը” մանկական ուսուցողական գրքերն են, որոնք երեխաների մոտ ձևավորում են ժամացույցի և ժամանակի հանդեպ լայն պատկերացումներ:
Մանուկներին տառաճանաչ և թվաճանաչ դարձնելու հրաշալի ձեռնարկ է մագնիսով և համապատասխան պատկերներով կազմված տառերի ու թվերի ամբողջական հավաքածուն, որը երեխաների համար բացահայտում է գիտելիքների աշխարհ տանող ճանապարհը:
Իրենց տեսակի մեջ առանձնանում են նաև Հ. Թումանյանի հեքիաթների ընտրանին, գունազարդ, տարբեր չափերի խաղ գրքույկները:
Յուրօրինակ է հատկապես կազմված “Քաջ Նազարի” 3-ը մեկում տարբերակը: Գրքից, DVD սկավառակից և խճանկարից բաղկացած այս համադրությունը լավագույն ամանորյա նվերն է մանուկների համար:
Տարեցտարի հարստանալով գրահրատարակչական ոլորտի նորօրյա նվաճումներով` “Արևիկը” համալրում է իր լուսավոր տարեգրության մնայուն էջերը` ոլորտում կերտելով ուրույն դիմագիծ:
Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
Նունե Մելքոնյան Nune Melqonyan
TVADSTUDIO©
