Ինչը կհաղթեր կյանքում հերոսին, թե չլինեին կինն ու գինին՝ <ԱՐԵՆԻԻ ԳԻՆՈՒ ԳՈՐԾԱՐԱՆ>

Աշխարհի ստեղծումից ի վեր գինեգործությունը հայերիս մեջ ասես ազգային բնավորություն է դարձել` վերածվելով պաշտամունքային սուրբ խորհրդանիշի: Արարատ լեռան լանջին հանգրվանած Նոյ նահապետը տնկեց առաջին խաղողի որթը, որից ստացավ աստվածային ըմպելիքը` գինին:

Այսօր էլ հազարամյակներից մեզ փոխանցված գինեգործության մշակույթը նորովի ծաղկում է ապրում` շնորհիվ ավանդույթների պահապան այն նվիրյալների, ովքեր իրենց էությամբ են կրում գինեգործի ազգային հոգեբանությունը:

Լինելով հայկական բազմադարյան գինեգործության շառավիղներից մեկը` Արենիի գինու գործարանի ղեկավարությունը ձեռնարկում է անհրաժեշտ քայլեր` հայկական գինու արվեստը պահպանելու և դարեդար սերնդեսերունդ փոխանցել

1994թ. -ին Վայոց ձորի մարզի Արենի գյուղում Սիմոնյան ընտանիքի նախաձեռնությամբ հիմնադրվեց Արենիի գինու գործարանը, որը նպատակ ուներ շարունակել և հարստացնել պապենական գինեգործական ավանդույթները: Գենետիկորեն կրելով գինի արարելու աստվածային շնորհը` պատմական Արենիում հիմնադրված գինու գործարանը կարճ ժամանակահատվածում կարողացավ ընդլայնել արտադրության ծավալները` հանրությանը առաջարկելով բարձրորակ գինու տարբեր տեսակներ:

Պտուղների թագուհի խաղողը երկար ճանապարհ է անցնում մինչև հայոց նահապետական գինու վերածվելը: Լավ գինի ստանալու համար կարևոր է հումքի բարձր որակը, իսկ որակյալ խաղող ստանալու հիմնական պայմաններից մեկը նրա ճիշտ խնամքն է, որը կատարվում է տարբեր փուլերով:

Վայոց ձորում խաղողի մշակումը սկսվում է էտից: Այն սովորաբար կատարվում է հյութաշարժության ժամանակ և ավարտվում մինչև բողբոջների ուռչելը: 
Էտի ժամանակ վազը լալիս է` բնությունն ասես երկնում է` պատրաստվելով ծաղկունքի և մայրության:Խաղողի վազի մշակման մյուս կարևոր միջոցառումներից է շվատումը, որի նպատակն է կանխել սննդանյութերի ավելորդ ծախսը, լավացնել օդի և լույսի թափանցելիությունը, նվազեցնել հիվանդությունների ու վնասատուների զարգացմանը նպաստող պայմանները, հեշտացնել այգում կատարվող աշխատանքները` այս կերպ խթանելով խաղողի վազի լավ աճը:Այս համալիր աշխատանքներից հետո Արենիի այգիները սկսում են պատվել բերքով: Եվ ահա սկսվում է բերքհավաքը, սա իսկական տոն և արարողություն է դառնում` համախմբելով Արենիի գրեթե բոլոր բնակիչներին:
ԱՐԵՆԻԻ ԳԻՆՈՒ ԳՈՐԾԱՐԱՆ-ը տարեկան մշակում է 200-250 տոննա որակյալ և հատընտիր խաղող, որից 70 տոննան սեփական այգիներինն է: 2011 թ-ից Արենիի գինու գործարանը արտադրում է նաև 6 տեսակի` նռան, մորու, ծիրանի, դեղձի, բալի և սերկևիլի մրգային գինիներ: Որակյալ գինու ստեղծման մյուս կարևոր նախապայմանը գործարանային անհրաժեշտ պայմանների առկայությունն է:
ԱՐԵՆԻԻ ԳԻՆՈՒ ԳՈՐԾԱՐԱՆ-ը համալրված է արտադրական գործընթացի կազմակերպման համապատասխան տեխնոլոգիաներով, որոնք ապահովում են գինու արտադրության ողջ ցիկլը: Այս առումով գինու ստեղծման ողջ գործընթացը Արենիի գինու գործարանի հիմնադիր Ռաֆիկ Սիմոնյանը անձամբ է վերահսկում` համակարգելով և ուղղորդելով բոլոր աշխատանքները: 
Արենիի գինու որակական բարձր հատկանիշները մեծ հետաքրքրություն են ձեռք բերել ինչպես Հայաստանում, այնպես էլ արտերկրում, այդ է պատճառը, որ ընկերության արտադրանքը արտահանվում է նաև Ռուսաստան, իսկ առաջիկայում միտումներ կան նաև ընդլայնելու արտադրության ծավալն ու արտահանման աշխարհագրությունը: 
Հայոց բորբ արևով լեցուն Արենիի գինին Ձեզ հաղոդակից կդարձնի դրախտի երկրի աստվածային էությանը` դառնալով հոգևոր բալասան, Ատվածային սիրո խորհրդանիշ:

Հայկական գինեգործության հայտնի ներկայացուցիչ բարձրորակ Արենու գինին նրբության, թեթևության, համի և անկրկնելի բույրի կատարյալ ներդաշնակություն է: Պատահական չէ որ խաղողը և գինին հաճախ նույնացվում են հաղթանակի, սիրո ու անմահության հետ:

Վայելիր անսահմանության բերկրանքը՝ զգալով կենարար հեղուկի անասելի զորությունը:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan 
TVADSTUDIO©