"Մայքրոսոֆթ" Հայաստան-"Գործընկերներ ուսման ոլորտում" ծրագիր 2011թ.

Այսօր որակյալ և մատչելի ուսուցման կազմակերպման գործը անհնար է պատկերացնել առանց տեղեկատվական և հաղորդակցական տեխնոլոգիաների: ‹‹Մայքրոսոֆթ››-ի կրթական համակարգը այս առումով լուրջ առաքելություն է  
ստանձնել` օժանդակելով Հայաստանում Էլեկտրոնային և հեռավար ուսուցման զարգացմանը:
‹‹Մայքրոսոֆթ›› ընկերության կողմից ստեղծված նոր ծրագրերի կիրառումը լսարաններում կամ լսարաններից դուրս բարձրացնում է ուսուցանվող գիտելիքի արդյունավետությունը` դասը դարձնում հետաքրքիր և հասանելի:
Անդրադառնալով ‹‹Մարքոսոֆթ››-ի կրթական ծրագրերին` ‹‹Դպրություն›› հաղորդաշարն այս անգամ ուշադրությունը բևեռեց ‹‹Գործընկերներ ուսման ոլորտում›› ծրագրին, որը հիմնականում շեշտադրում է 3 կարևոր ուղղություն` նորարար դպրոցներ, նորարար ուսուցիչներ և նորարար աշակերտներ:

2011թ-ը ‹‹Մայքրոսոֆթ››-ի հայաստանյան գրասենյակի կյանքում նշանակալից էր մի շարք առումներով. ‹‹Գործընկերներ ուսման ոլորտում›› ծրագրի շրջանակներում իրականացրած հետևողական աշխատանքի արդյունքում այս տարի աշխարհի նորարար դպրոցների շարքը համալվեց ևս մեկ ուսումնական հաստատությամբ: Հավելենք, որ բարդ ընտրության և բարձր մրցակցության արդյունքում աշխարհի նորարար դպրոցների շարքերը այսօր համալրում են 3 ուսումնական հաստատություններ` 2009 թ-ին Մխիթար Սեբաստացի կրթահամալիրը, 2010 թ-ին` Անանիա Շիրակացու անվան ճեմարանը և 2011թ-ին Օհանյան կրթահամալիրը: 

 

Հաստատված որակավորումը հնարավորություն է տալիս աշակերտներին և անձնակազմին լինել արդի կրթական գործընթացի կիզակետում, շուրջ մեկ տարի մասնակցել վիրտուալ սեմինարներին և քննարկումներին, ներդնել և կիրառել աշխարհի մենթոր դպրոցների փորձը, ստեղծել նորարական կրթական մեթոդներ, որը հնարավոր կլինի կիրառել աշխարհի յուրաքանչյուր կետում:  

‹‹Մայքրոսոֆթ››-ի ‹‹Գործընկերներ ուսման ոլորտում›› ծրագրի ‹‹Նորարար դպրոցներ›› ուղղության նպատակն է` դպրոցներին, պետական կառույցներին և դասավանդողներին տրամադրել այնպիսի էլեկտրոնային պաշարներ, դասընթացներ, տեղեկատվական տեխնոլոգիական նախագծեր,որոնք կօգնեն դպրոցներին ավելի լավ նախապատրաստել աշակերտներին 21-րդ դարում ապրելու և աշխատելու համար:

Տեղեկատվական տեխնոլոգիաների շրջանում  նոր հետաքրքրությունների և բովանդակության ստեղծման առաջատար ‹‹Մայքրոսոֆթ›› ընկերության նորարար դպրոցները ընտրվում են՝ իրենց ամբողջ ներուժով ստեղծելու ճկուն, փոխանցելի և վստահելի մոդելներ, որոնք կարող են ազդեցություն ունենալ և փոխանցել իրենց փորձն ու ստեղծված մոդելները այլ դպրոցների` թե իրենց երկրներում, թե տարածաշրջանում և թե ամբողջ աշխարհում:

‹‹Մայքրոսոֆթ››-ի ‹‹Գործընկերներ ուսման ոլորտում›› ծրագրի ‹‹Նորարար դպրոցներ›› ուղղության նպատակն է` օգնել ուսումնական հաստատություններին 
բարձրացնել ՏՀՏ հասանելիությունը,
աջակցել կրթության գործընթացում նորարարական մեթոդների ներդրմանը, ուսուցիչների մասնագիտական պատրաստվածության զարգացմանը և նրանց զինմանը` այս նպատակներին հասնելու համար անհրաժեշտ գործիքներով և գիտելիքներով:
ՏՀՏ-ները փոխում են մեր կյանքը, և կյանքի նոր ռիթմին համաքայլ ընթանալու համար հարկավոր է կրթական համակարգը ևս դարձնել արդյունավետ ու գրավիչ` չօտարվելով 21-րդ դարից և տեղեկատվական հասարակությունից:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO

«Այգ» հոգեբանական ծառայությունների կենտրոն

Կյանքի տարբեր իրավիճակներում շատերս ենք զգում հոգեբանի խորհրդատվության կարիք: Ճիշտ է Հայաստանում հոգեբանին դիմելու ինստիտուտը դեռևս կայացման ճանապարհին է, այնուամենայնիվ, վստահաբար կարող ենք ասել, որ մեր երկրում ոլորտն ունի պրոֆեսիոնալ ներկայացուցիչներ:
Մեր հաղորդաշարն այս անգամ անդրադարձավ շատերիս հայտնի «Այգ» հոգեբանական ծառայությունների կենտրոնին, որն արդեն 6 տարի է մեր հանրապետությունում պատվախնդրորեն ստանձնել է այս կարևոր առաքելությունը:
Աշխատակազմում ներառելով 30 ճանաչված հոգեբաններ` «Այգ» հոգեբանական կենտրոնը ծառայություններ է իրականացնում հետևյալ ուղղություններով.
• Հոգեբանական խորհրդատվություն և հոգեթերապիա /երեխաների, դեռահասների, մեծահասակների, ընտանիքների և զույգերի համար/
• Դասընթացներ և հոգեբանական թրեյնինգներ
• Դայակի ընտրություն և վերապատրաստում
• Հղի կանանց համար անցկացվող հոգեբանական թրեյնինգներ
• Արտակարգ իրավիճակներում հոգեբանական օգնություն
• Լոգոպեդական խորհրդատվություն

Ուշագրավ է հատկապես Այգ հոգեբանական կենտրոնի խորհրդատվական ծառայությունը, որն իր գործունեության վեց տարիների ընթացքում հոգեբանական աջակցություն է ցուցաբերել ավելի քան հազար այցելուների: Խորհրդատվությունն իրականացվում է ինչպես այցելուի հետ անմիջական հանդիպումների, այնպես էլ ինտերնետի(skype կապի) միջոցով, որի շնորհիվ աշխարհի ցանկացած վայրում դուք կարող եք ուղիղ կապ հաստատել ձեր հոգեբանի հետ` ստանալով անհրաժեշտ խորհրդատվություն: «Այգ» հոգեբանական ծառայությունների կենտրոնում իրականացվում է նաև լոգոպեդական խորհրդատվություն:
«Այգ» հոգեբանական ծառայության մյուս կարևոր ուղղությունը հղի կանանց մատուցվող խորհրդատվությունն է, որն օգնում է հղիությունը դաձնել կյանքի ամենաերջանիկ ժամանակահատվածը` ապագա մայրերին նախապատրաստելով ծննդաբերության և երջանիկ մայրության:
«Այգ» հոգեբանական ծառայությունն ունի նաև «Դայակ» գործակալություն, որտեղ հաշվի առնելով Ձեր պահանջներն ու ցանկությունները, ինչպես նաև երեխայի տարիքային ու անձնային առանձնահատկությունները, կօգնեն Ձեզ ընտրել առավել համապատասխան մասնագետ:
«Այգ» հոգեբանական ծառայությունների կենտրոնի կարևոր ծառայություններից են պարբերաբար իրականացվող դասընթացներն ու թրեյնինգները, որոնց 750 մասնակիցներից 350-ը ավարտին ստացել են համապատասխան վկայական:
«Այգ»-ն օգնում է նաև մասնագիտական դաշտում ճիշտ կողմնորոշվելու և ժամանակին արդյունավետ ընտրություն կայացնելու գործում:
Համագործակցելով հայաստանյան և միջազգային առաջատար հանրային կառույցների հետ` «Այգ» հոգեբանական ծառայությունների կենտրոնը մշտապես փորձում է քայլել ժամանակին համընթաց` առաջնային հարթության վրա պահելով մասնագիտական կազմի բարձր պատրաստվածությունը:

hogeban.am
psychology.am
  

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ՖԱՆԱՐՋՅԱՆԻ ԱՆՎԱՆ ՈՒՌՈՒՑՔԱԲԱՆՈՒԹՅԱՆ ԱԶԳԱՅԻՆ ԿԵՆՏՐՈՆ

     Քաղցկեղը դարի ամենատարածված հիվանդություններից  է, որի ահագնացող չափերի դեմ  պայքարը ոչ միայն առողջապահության ոլորտի խնդիրն է, այլև` համայն մարդկության: Չարորակ ուռուցքները  իրենցից ներկայացնում են օրգանիզմի սովորական ձևն ու ֆունկցիան կորցրած բջիջներից կազմված հյուսվածքների ավելցուկային տարաճումներ,  և բնորոշվում են կառուցվածքի բազմազանությամբ, հարմարվողականությամբ, անսահմանափակ ու անզսպելի աճով: Սակայն մինչ չարորակ ուռուցքի վերածվելը` նախաքաղծկեղային փուլում հնարավոր է հասնել հիվանդության լիարժեք ապաքինման: Ուստի, յուրաքանչյուրս պետք է գիտակցենք, թե որքան կարևոր է պարբերաբար բժշկական հետազոտություններ անցնելը, քանի որ վաղ ախտորոշման դեպքում միայն կարելի է քաղցկեղը կանխարգելել, և վնասազերծել դարի մեծագույն չարիքը: Այդ առաքելությունը մեր երկրում արդեն երկար տարիներ ստանձնել է Ֆանարջյանի անվան ուռուցքաբանության ազգային կենտրոնը:

Քաղցկեղը բավականին լուրջ և կյանքի համար վտանգավոր հիվանդություններից  է, սակայն ուռուցքային հիվանդությունները հնարավոր է բուժել: Բուժման մեթոդները տարբեր են` կախված ուռուցքի տեսակից, տեղակայումից, զարգացման փուլից և  հիվանդի տարիքից: Վերջին ժամանակներում  մեծ  զարգացում և տարածում են ստացել ուռուցքների բուժման  զուգորդված և համալիր եղանակները: Ֆանարջյանի անվան ուռուցքաբանության ազգային  կենտրոնում հաջողությամբ ներդրվել և կիրառվում է   ճառագայթային բուժումը` որպես համալիր բուժման կարևոր և խիստ անհրաժեշտ մեթոդ: Ի դեպ, ճառագայթաբուժության դեպքում իոնացնող ճառագայթների ազդեցությունից առավել տուժում են  ուռուցքային բջիջները` այս կերպ նպաստելով  ուռուցքների փոքրացմանը, իսկ որոշ դեպքերում նաև` իսպառ վերացմանը: Ժամանակակից ճառագայթաբուժության մեթոդները բազմազան են՝ կախված օգտագործվող ճառագայթի տեսակից, ախտահարված օջախին հասցնելու եղանակից և կիրառվող սարքից։ Կարելի է ասել ճառագայթաբուժությունը ուռուցքաբանության հեռանկարային և արագ զարգացող մեթոդներից է:

Ֆանարջյանի անվան ուռուցքաբանության ազգային  կենտրոնում աշխատում են լուրջ մասնագիտական որակավորում ունեցող բժիշկ մասնագետներ, որոնց կողմից  կատարվում են այնպիսի վիրահատություններ, որոնք եզակի են  մեր հանրապետությունում: 2006 թ-ից կենտրոնի ուռոլոգիական բաժանմունքում հաջողությամբ ներդրվել և կիրառվում է ֆլյուրեսցենտային մեթոդը: Վերջինիս առավելությունը կայանում է նրանում, որ մինչ էնդոսկոպիկ վիրահատությունը միզապարկի խոռոչ է ներմուծվում “Ալասենա” պրեպարատը: Կլանվելով միմիայն ուռուցքային բջիջների կողմից` այն հնարավորություն է տալիս առավել ամբողջական  հեռացնելու ուռուցքային հյուսվածքները` այս կերպ նվազեցնելով հիվանդության հավանական կրկնողությունը:

Այսպիսով, պետք է գիտակցել  կարևոր մի փաստ. ընդհանուր պրոֆիլի բժշկական կենտրոնները զուրկ են քաղցկեղի դեմ բուժման համալիր մեթոդների կիրառման հնարավորություններից, իսկ ուռուցքային վիրաբուժության պարտադիր կանոնները  չպահպանելը, ինչպես նաև պահանջվող մեթոդներից չօգտվելը  կարող է հանգեցնել անդառնալի հետևանքների: ՈՒռուցքային հիվանդությունների  փաստը չպետք է ընդունել որպես  մահապատիժ.  այն զուտ ախտորոշում է և շնորհիվ մասնագիտացված այպիսի բուժհաստատությունների, ինչպիսին Ֆանարջյանի անվան ուռուցքաբանության ազգային  կենտրոնն է այն ենթարկվում է կանխարգելման և բուժման:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO©

ԵՐԵՎԱՆԻ ՔԱՂԱՔԱՊԵՏԱՐԱՆԻ ՔԱՂԱՔԱՅԻՆ ԷՆԴՈԿՐԻՆ ԴԻՍՊԱՆՍԵՐ

Էնդոկրինոլոգիան գիտություն է, որն ուսումնասիրում է ներզատիչ գեղձերի ֆիզիոլոգիական և պաթոլոգիական երևույթները: Էնդոկրինոլոգիական հիվանդություններից ամենատարածվածը շաքարային դիաբետն է: Հիվանդությունը ժամանակին հայտնաբերելու և կանխարգելիչ աշխատանքներ իրականացնելու գործում իր մեծ ներդումն ունի1990թ-ին հիմնադրված Երևանի քաղաքապետարանի քաղաքային էնդոկրին դիսպանսերը: Տարեցտարի համալրվելով  նորագույն բժշկական էնդոկրին ախտորոշիչ սարքավորումներով` կենտրոնում  հնարավորություն է ընձեռնվում իրականացնելու համապատասխան ախտորոշում և բուժում:

Էնդոկրինոլոգիական դիսպանսերի  ղեկավար Անուշ Բունիաթյանի հավաստմամբ` այսօր կարևոր դեր ունի նաև շաքարային դիաբետի դպրոցը, քանի որ շաքարային դիաբետը հիվանդություն լինելուց զատ յուրօրինակ ապրելակերպ է, և անհրաժեշտ է ենթարկվել նոր կենսաձևի կանոններին:

Այսօր խնդիրները շատ են, քիչ չեն նաև դժվարությունները. Ուստի,  ոլորտում առաջադրված մարտահրավերներին դիմագրավելու համար հարկավոր է ոչ միայն հմուտ,  իր գործին գիտակ տնօրենի, այլև` բարձրակարգ բժիշկ մասնագետների նվիրված աշխատանք: Այս գիտակցմամբ էլ առաջնորդվում է Երևանի քաղաքապետարանի քաղաքային էնդոկրին դիսպանսերը`  առողջապահության ոլորտում ունենալով կայուն ասելիք:

Կյանքի տարբեր իրավիճակներում շատերս ենք զգում հոգեբանի խորհրդատվության կարիք: Ճիշտ է Հայաստանում հոգեբանին դիմելու ինստիտուտը դեռևս կայացման ճանապարհին է, այնուամենայնիվ, վստահաբար կարող ենք ասել, որ մեր երկրում ոլորտն ունի պրոֆեսիոնալ ներկայացուցիչներ:
Մեր հաղորդաշարն այս անգամ անդրադարձավ շատերիս հայտնի «Այգ» հոգեբանական ծառայությունների կենտրոնին, որն արդեն 6 տարի է մեր հանրապետությունում պատվախնդրորեն ստանձնել է այս կարևոր առաքելությունը:
Աշխատակազմում ներառելով 30 ճանաչված հոգեբաններ` «Այգ» հոգեբանական կենտրոնը ծառայություններ է իրականացնում հետևյալ ուղղություններով.

·         Հոգեբանական խորհրդատվություն և հոգեթերապիա /երեխաների, դեռահասների, մեծահասակների, ընտանիքների և զույգերի համար/

·         Դասընթացներ և հոգեբանական թրեյնինգներ

·          Դայակի ընտրություն և վերապատրաստում

·         Հղի կանանց համար անցկացվող հոգեբանական թրեյնինգներ

·         Արտակարգ իրավիճակներում հոգեբանական օգնություն

·         Լոգոպեդական խորհրդատվություն

Ուշագրավ է հատկապես Այգ հոգեբանական կենտրոնի խորհրդատվական ծառայությունը, որն  իր գործունեության վեց տարիների ընթացքում հոգեբանական աջակցություն է ցուցաբերել ավելի քան հազար այցելուների: Խորհրդատվությունն իրականացվում է ինչպես այցելուի հետ անմիջական հանդիպումների, այնպես էլ ինտերնետի(skype կապի) միջոցով, որի շնորհիվ աշխարհի ցանկացած վայրում դուք կարող եք ուղիղ կապ հաստատել ձեր հոգեբանի հետ` ստանալով անհրաժեշտ խորհրդատվություն: «Այգ» հոգեբանական ծառայությունների կենտրոնում իրականացվում է նաև լոգոպեդական խորհրդատվություն:Արտ թերապիայի կամ աշխարհում լայն տարածում գտած ABA մեթոդի օգնությամբ արդյունավետ խորհրդատվություն է իրականացվում հատկապես հատուկ կարիքներով և աուտիկ երեխաների համար:
«Այգ» հոգեբանական ծառայության մյուս կարևոր ուղղությունը հղի կանանց մատուցվող խորհրդատվությունն է, որն օգնում է հղիությունը դաձնել կյանքի ամենաերջանիկ ժամանակահատվածը` ապագա մայրերին նախապատրաստելով ծննդաբերության և երջանիկ մայրության:
«Այգ» հոգեբանական ծառայությունն ունի նաև «Դայակ» գործակալություն, որտեղ հաշվի առնելով Ձեր պահանջներն ու ցանկությունները, ինչպես նաև երեխայի տարիքային ու անձնային առանձնահատկությունները, կօգնեն Ձեզ ընտրել առավել համապատասխան մասնագետ:
«Այգ» հոգեբանական ծառայությունների կենտրոնի կարևոր ծառայություններից են պարբերաբար իրականացվող  դասընթացներն ու թրեյնինգները, որոնց 750 մասնակիցներից 350-ը ավարտին ստացել են համապատասխան վկայական:
«Այգ»-ն օգնում է նաև մասնագիտական դաշտում ճիշտ կողմնորոշվելու և ժամանակին արդյունավետ ընտրություն կայացնելու գործում:Համագործակցելով հայաստանյան և միջազգային առաջատար հանրային կառույցների հետ` «Այգ» հոգեբանական ծառայությունների կենտրոնը մշտապես փորձում է քայլել ժամանակին համընթաց` առաջնային հարթության վրա պահելով մասնագիտական կազմի բարձր պատրաստվածությունը:

hogeban.am
psychology.am

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO