''ԳՈՐԻՍ'' ԲԺՇԿԱԿԱՆ ԿԵՆՏՐՈՆ

''ԳՈՐԻՍ'' ԲԺՇԿԱԿԱՆ ԿԵՆՏՐՈՆ

Առողջությունը մարդկության  ամենաթանկ կապիտալն է, որի պահպանումը համամոլորակային  նշանակության խնդիր է: Պատահական չէ, որ մեր կառավարության իրականացրած սոցիալ-տնտեսական բարեփոխումների կարևոր նշանակետերից մեկը դարձավ  բնակչության առողջության պահպանման ու բարելավման արդյունավետ համակարգի ձևավորումը` Հայաստանի ողջ տարածքում:  Նախաձեռնվեց մարզային առողջապահական համակարգերի օպտիմալացումը` միջազգային չափորոշիչներին համապատասխան առողջապահական համակարգ ստեղծելու նպատակով:

Այս առումով ներդրվեց Մարզային հիվանդանոցների ցանցի արդիականացման ծրագիրը,  որի շրջանակներում 2010 թ-ին հիմնանորոգվեց, ինչպես նաև անհրաժեշտ գույքով և բուժսարքավորումներով հագեցվեց Գորիսի բժշկական կենտրոնը:  

 Բուժհաստատության դերը տարածաշրջանում կենսականորեն կարևոր է, քանի որ սպասարկում է սյունյաց աշխարհի մեծաքանակ բնակչությանը

“Գորիս” բժշկական կենտրոնն իրականացնում է  լայնածավալ ամբուլատոր  և ստացիոնար  բուժօգնություն: Կենտրոնի կազմում ներառված են   թերապևտիկ, վիրաբուժական, ինֆեկցիոն, մանկական, մանկաբարձական, գինեկոլոգիական, վերակենդանացման և տուբերկուլյոզային բաժանմունքերը: 

երկրի ղեկավարն այցելել է Գորիսի հիմնանորոգված բժշկական կենտրոն

Գիտության վերջին նվաճումներին  համահունչ  բժշկական սարքավորումներով և  համապատասխան պայմաններով ապահոված “Գորիս” բժշկական կենտրոնը համալրվել է նաև ժամանակակից լաբորատորիաներով, որտեղ իրականացվում Է լիարժեք ախտորոշում, իսկ հիվանդության հիմքը հայտնաբերելը այն հաղթահարելու առաջնային նախապայմանն է:

“Գորիս” ԲԿ-ի ծննդատունը մեկն է հանրապետության այն 8 ծննդատներից, որոնք ՅՈՒՆԵՍԿՕ-ի կողմից արժանացել են “Մանկան բարեկամ” կոչմանը: Պատվավոր տիտղոսը ոչ միայն ոգևորող է այլև պարտավորեցնող` լինելու առավել հետևողականն և  բծախնդիր:

Մասնագիտական որակավորման բարձրացման նկատառումով “Գորիս” ԲԿ-ում իրականացվել են աշխատակազմի վերապատրաստման և վերաորակավորման լուրջ ծրագրեր` բուժօգնության կազմակերպման ժամանակակից սկզբունքների եւ համակարգերի ներդրման ուղղությամբ:

Գորիս ԲԿ-ի հաջողություններում անուրանալի է  տնօրեն,  ԲԳ դոկտոր- պրոֆեսոր, ակադեմիայի անդամ Սլավիկ Ամիրյանի հետևողական գործունեությունը, ով արդեն 20 տարի անընդմեջ ղեկավարում և զարգացման ճանապարհով է ուղղորդում ոլորտի աշխատանքները:

Մարդու և հասարակության առողջությունը բարեկեցիկ ապրելակերպի  առաջնային կարևորության խնդիրներից է: Հայաստանում ընթացող առողջապահության ոլորտի լայնածավալ բարեփոխումները նպատակ ունեն մեր երկիրը դարձնել տարածաշրջանային առողջապահական կենտրոն, հիմքերը իրատեսական են և լավագույն գրավականներց մեկն էլ հենց “Գորիս” բժշկական կենտրոնն է:

Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
Նունե Մելքոնյան Nune Melqonyan
TVADSTUDIO ©