Ազգանվեր է կրթական համակարգի գործունեությունը, քանի որ կրթված հասարակությունն է կերտում երկրի լուսավոր ապագան: Անկախության տոնի առթիվ կազմակերպված միջոցառման ընթացքում ևս արծարծվեցին այս գաղափարները չմոռանալով այն երախտավորներին, ովքեր երկրի գիտակարթական, հասարակական քաղաքական կյանքում լուրջ դերակատարում են ունեցել և կայուն ասելիք: Այս առումով բուհը հյուրընկալել էր երջանկահիշատակ վարչապետ Անդրանիկ Մարգարյանի քաղաքական գործունեության ընկեր` Սերգեյ Մակարյանին: Հավելենք, որ բուհում գործում է նաև Անդրանիկ Մարգարյանի անվան կաբինետ:
Միջոցառմանը մեծարվեց և բարձր գնահատականի արժանացավ նաև պետական, հասարակական գործիչ ու դիվանագետ, պատմական գիտությունների դոկտոր Կամո Ուդումյանը, բուհի լավագույն բարեկամը:
Անկախության տոնի միջոցառմանը հրավիրվածների թվում էր Կամո Ուդումյանի որդին` Արտակ Ուդումյանը վերջինիս վերապահված էր նաև հանձնելու կրթաթոշակառուի հուշագիրը:
Հյուսիսային համալսարանում արդեն իսկ հաստատված իրողություն է լավագույն ուսանողներին ուսման վարձավճարներից մասնակի կամ լրիվ ազատումը և անվանական կրթաթոշակների սահմանումը: Խրախուսման այս եղանակը առողջ մրցակցային դաշտ է ստեղծում` բարձրացնելով ուսման արդյունավետությունը:
Միջոցառման ընթացքում իրենց գեղեցիկ կատարմամբ ներկաներին հաճելի ակնթարթներ պարգևեցին Հյուսիսային համալսարանի լավագույն բարեկամ, պրոֆեսոր Հենրիկ Սիմոնյանը, ինչպես նաև օպերայի և բալետի մեներգչուհի, կոնսերվատորիայի դոցենտ, բազմաթիվ միջազգային մրցանակների դափնեկիր Արմենուհի Սեյրանյանը:
Հյուսիսային համալսարանում կազմակերպված միջոցառումը յուրօրինակ դաս էր` ուղղված անկախության տարեկից ուսանողներին` պահպանելու և զարթոնքով լցնելու մեր իդեալների հայրենիքը, կառուցելու բարեխնամ երկիր, որի առաջընթացի կենարար զարկերակը ամեն ժամանակներում էլ եղել և մնում է կրթությունը:
Ստեղծագործական խումբ Creative Group
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO ©
Արթուր Դանիելյան Arthur Danielyan
Հեղինե Կարապետյան Heghine Karapetyan
Նարինե Ադամյան Narine Adamyan
TVADSTUDIO ©
